Agile va Kanban

Bugungi kunda IT sohasida ishlash faqatgina kod yozish yoki test qilish bilangina cheklanmaydi. Muhim jihatlardan biri — ish jarayonini to‘g‘ri boshqarish. Shu yerda Agile va Kanban metodologiyalari katta rol o‘ynaydi.

Agile nima?

Agile — bu loyihani moslashuvchan, tezkor va doimiy yaxshilab borish tamoyillariga asoslangan yondashuvdir. Agile’da katta rejalar o‘rniga ish kichik qismlarga bo‘linadi va bosqichma-bosqich bajariladi.

Agile’ning asosiy g‘oyalari:

• O‘zgarishlarga tez moslashish

• Jamoa ichida doimiy muloqot

• Mijoz fikrini tez-tez inobatga olish

• Qog‘ozbozlikdan ko‘ra ishlaydigan mahsulot muhim

Agile ko‘pincha sprintlar (masalan, 1–2 haftalik davrlar) orqali ishlaydi. Har bir sprint oxirida tayyor natija bo‘ladi.

Kanban nima?

Kanban — bu ish jarayonini vizual tarzda boshqarish usuli. U asosan taxtacha (board) orqali amalga oshiriladi.

Oddiy Kanban board quyidagicha bo‘ladi:

• To Do (Qilinishi kerak)

• In Progress (Jarayonda)

• Done (Tugallangan)

Kanban’ning asosiy afzalliklari:

• Ish holati doim ko‘z o‘ngida bo‘ladi

• Bir vaqtning o‘zida juda ko‘p ish olib ketilmaydi

• Ishdagi tiqilinchlar (bottleneck) tez aniqlanadi

• Doimiy oqim mavjud (sprint shart emas)